Hezkuntza Departamenduak kurtso hasieran jarritako 9.autobusa kendu egin digu. Ez gaude ados. Autobusen zerbitzua familiaka , zentroka, antolatu beharko delakoan gaude. Erne!!. Nafarroako Gobernuak ikasle elkarte guztiei, guraso elkarteei (gureari barne) eta federazioei (besteak beste, gurea den Sortzeni) dirulaguntza kendu die. Eskutitz soil baten bidez egin du eta, hortaz, gure desadostasuna adierazi nahi dugu bai moduarekin, bai funtsarekin
[hr]

Jantokiaren faktura 66 eurotik 89 eurora igo da. Hileroko gastuak normaltasunez ordaindu ahal izateko, prezioak igo dira. Dena den, norbait egoera ekonomiko larrian badago, udal bekarik ez badiote eman, jantoki zerbitzua behar badu baina ezin badu ordaindu, harremanetan jar dadila guraso elkartearekin eta soluzio bila saiatuko gara.
[hr]
www.mendialdeage.org bloga. Proiektu honen osatze lanetan ari gara oraindik, baina dagoeneko badago bertara sartzea eta bere edukiak ikustea.  Gurasoren batek bere seme-alaba argazkietan agertzerik nahi ez balu, horren berri eman diezagula
[hr]
Aurre-matrikulaizo kanpaina: jakinarazten dizuegu D ereduan 43 haur aurre-matrikulatu direla. Beraz, bi gela. Poztu egiten gaitu eta gero eta gehiago izatea espero dugu.
[hr]
Sortzen-eko festa: maiatzaren 20an. Marea Berriozarko taldeak festarako abestia egin du. Laguntza behar da gauza askotarako. Interesa baduzu, jarri harremanetan guraso elkartearekin, bidali e-mail bat. Dagoeneko, lagun asko ari dira lanean eta seguru beste batzuk ere animatuko zaretela kalitatezko euskal eskola publikoaren aldeko festa prestaketan laguntzera.
[hr]
Jarduerak:

Olentzero eta Ageda Deuna. Mendialdea Guraso Elkartea oso ongi balorazioa ona, bai egun orokorki bai gurasoen parte hartzearen aldekoa

Inauteriak: 500. urteurrena dela eta, aurten Nafarroako Konkista antzeztu da. Bideoa ikusgai duzue blogean.

[hr]

Hurrengo jarduerak:

Mendi ateraldia: Martxoaren 25ean, Osakar-SanGregoriora. Goizeko 9:30ean, Lantzeluze Plazan izanen gara. Eraman ezazu hamaiketakoa. Garaiz itzuliko gara etxean bazkaltzeko.

Gurasoentzako tailerrak:

1 Tailerra: Familia, telebista eta beste pantailak. Data: 12-03-22 .Ordua: 17:30 Tokia: Kulturgunea

2 Tailerra: Familia, internet, sare sozialak eta teknologia berriak. Data: 26-03-22. Ordua: 17:30.Tokia: Kulturgunea