Abenduaren 22an, ostiralean, eskolan Olentzeroren jaia ospatuko dugu. Gutun honen bitartez, jai egun hau gurekin ospatzeko gonbidapena luzatu nahi dizuegu.

Hau da egun honetako egitaraua:

9:15etan Olentzerori itxarongo diogu eskolako atarian. Olentzero menditik etorriko da eta trikitilariek lagunduta eskolara ekarriko dugu alai. Eskola atarian dantza bat eskainiko diogu eta baita kanta ezberdinak abestu ere.

10:00etan Gimnasioan jaialdiari hasiera emango diogu. Hauek dira Olentzerori eskainiko dizkiogun kantak:

•  – Olentzero (HH osoa)
• – Leihotikan begira (1. Maila)
• – Euskaldunak gara (2. Maila)
• – Txirula baltsa/Elurra teilatuan (3. Maila)
• – Kanpaiak jaietan (4. Maila)
• – Guk euskaraz (5. Maila)
• – Siyahamba (6. Maila)

11:00tan Hamaiketakoa irakasle gelan Mendialdea guraso elkartearen eskutik.

11:15etan Olentzero Haur Hezkuntzako geletatik ibiliko da, gela bakoitzean tartetxo bat emanez.

12:00tan Olentzerok Lehen Hezkuntzako ikasleei bisita bat eginen die.

Oharrak:

1. Ostiral goizean neska-mutil eta irakasle guztiak baserritarrez jantzita etorriko dira. Gogorazten da ostiral arratsaldean ez dagoela klaserik. Norbaitek bere seme-alaba etxera eraman behar badu tutorearekin hitz egin dezala.
2. Jantokian geratu behar ez denak eman diezaiola abisua aurreko egunean tutoreari.
3. Jai hau bereziki neska-mutilentzat da, beraz, haurren eta irakasleen lana errespetatzea eskertuko genizueke: isiltasuna mantenduz, lekua utziz, euskara erabiliz eta argazkiak ateratzekoan ez molestatuz. Jakin ezazue mugatutako eremuan ezin izango dela sartu. Jaialdia bukatutakoan ikasle guztiak geletara igoko dira.

Eskerrik asko zuen laguntzagatik. Gabon zoriontsuak eta urte berri on opa dizuegu !